Música e Estrelas nas Festas de Conxo

Onte á noite música e estrelas na I Festa da Cabra do compostelán barrio de Conxo. Despois dun día g-astronómico, lembrando aquel Banquete de Conxo que tivo lugar no xa lonxano 1856, desfrutamos da noite na compaña da boa música dos grupos A Roda, Arrás e Tombalobos. Parabéns ás asociacións organizadoras, e saúdos aos amigos da Roda, algún dos cales tamén se achegou a botarlle un ollo ao ceo cos veciños e veciñas do barrio.