Astronomía na beirarrúa: "Primeira luz" do Mak

3.5.07

"Primeira luz" do Mak

O pasado 21 de abril, dende o alto do Monte da Condesa, no Campus Sur da Universidade de Santiago de Compostela, viu a súa "primeira luz" un telescopio tipo Maksutov- Cassegrain de Astronomía na beirarrúa. Con 150 mm de diámetro, unha focal de 2 metros, e montura motorizada HEQ-5 é unha gozada de trebello. Esa noite había algo de turbulencia pero así e todo as vistas de Saturno, a Lúa e algúns cúmulos e galaxias (o que se adoitan chamar "obxectos de ceo profundo") eran despampanantes.
Na foto tedes aos cinco participantes no evento: de esquerda a dereita, Ramón (Clube Vega), Javi (Clube Vega), "o Maksutov" alineado e listo para observar (AnB), Rubén (Clube Vega e USC) e Salva (USC). A foto de abaixo é unha imaxe de Saturno obtida colocando unha cámara dixital barata a continuación do ocular do telescopio, con zoom óptico 3x, e sacando un pequeno video (avi) do cal se separaron as imaxes, se alinearon e sumaron para diminuir o ruido e atenuar en parte os efectos da turbulencia. O procesado foi feito co programa libre Registax (Para as persoas afeccionadas ao tratamento de imaxes por ordenador: só se realzou o obxecto cun filtrado suave con "wavelets", e a tonalidade da imaxe tal cal saíu da cámara non foi retocada: Visualmente Saturno tiña un tono menos azulado).
Pasar pasámolo en grande e esperamos que este instrumento nos dea moitas noites de observación.

Etiquetas:

2 Comments:

At 9:19 da manhã, Anonymous tml said...

Unha imaxe fermosísima!!!

 
At 2:41 da tarde, Blogger Soso said...

Mis más cálidas felicitaciones por su sitio! Me ha ayudado mucho y le gusta, sobre todo que todas sus acciones son interesantes. Larga vida a su sitio. Por encima de todo, nunca darse por vencido; tu blog es realmente en la cima!

voyance mail gratuite

 

Enviar um comentário

<< Home